بــــســم الله الرحــمن الرحيــم 
خلاص استح على ويهك ترى الموضوع ما يسوى =انا حاولت بس ما ادري شسوي لك عشان ارضيك
تبي تزعل بدون اسباب تي تخاصمني بالقوه =بتلقاني معك وياك يمك اقرب من ايديك
بتشرد عني وين تروح بتلقاني في كل فجوه =بتلقاني مثل ظلك وانا رجلي عل رجليك
يمين يسار تحت او فوق والي تقدر عليه سوه =مادامي قلت ما خليك ترى والله ما اخليك
يا اهبل موت انا احبك وحبي ماهو من توه =ولو فرطت فالدنيا تاكد ما افرط فيك
لانك عالمي وكوني وشخصيتي والمروه =لانك شعري واحساسي وتفكيري وانا شاريك
لانك عطري وانفاسي ومبالاتي وكل هقوه=ولانك لا مبالاتي وكل طاري غدى طاريك
لانك انت اصلا تاج عل راس كل بني حوه=لانك بالدلع عفوي ولا في واحد يجاريك
لانك حتى احلا من اغاني راشد بقوه =واظن حتى اغاني الحب يغنيها مجيد بس فيك
يا طاغي الحسن اظن حتى تولع فيك بن عروه =وارسل كل شياطينه تجاهك بس لاجل تغويك
يا حارق نانسي عجرم مع اليسا وهيفا في ضوه=يا الي مخلي عزيز النفس يذل نفسه ويتم يرجيك
يا كاسر كلمتي حتى قبل ما اقول واتفوه =يا حارمني لذيذ النوم كثر مانا افكر فيك
يا جارح كبريائي منهو غيرك يقدر يموه =غريبه كيف تجرحني ولا غيري انا يداويك
يا اكثر من الخجل والخوف في قلب اللي حمل شكوى=يا احر من دمعة المقهور اذا جالك واهو يبكيك
ي
اسهل من السهل نفسه يا اصعب حتى من العنوه =يا قاهر كل بنات الارض من الزين الذي ماليك
يا اللي غيرت اقداري وتاريخي يا هالبلوه =عرفتني وكنت معجب بي وانا الي صرت معجب فيك
انا لو يسالوني الناس من اغلى انته او هوه=اقول والله هو اغلى وعسى اكثر بعد اغليك
يا ملهم كل شاعر فن وملهم صبري السلوى =ترى مليت اقولك بس كفايه الله يخيليك
كفايه لا تمصخها ترى الموضوع ما يسوى=بترضى يعني بترضى ولا بقول انا طز فيك
تخيل طعمك انت صار على شفاتي مثل قهوه =امر من المراره بس محال في يوم انا اخليك
تبي تزعل بدون اسباب تي تخاصمني بالقوه =بتلقاني معك وياك يمك اقرب من ايديك
بتشرد عني وين تروح بتلقاني في كل فجوه =بتلقاني مثل ظلك وانا رجلي عل رجليك
يمين يسار تحت او فوق والي تقدر عليه سوه =مادامي قلت ما خليك قسم بالله ما اخليك
لأحــلى شاعــر واعلامي على وجهه الكره الارضيه:
طـــارق المــحـيااسلااااتـــحرمووني من ردوودك أخــوااني
أخــتكــم:
,, مــهـره مــ ح ــدن روضها,, 
الخميس أبريل 17, 2008 8:59 am
